Morre un motorista nun accidente en Salvaterra do Miño

O sinistro produciuse na PO-403
La moto accidentada en Salvaterra. SXENICK
photo_camera La moto accidentada en Salvaterra. SXENICK

Un motorista perdeu a vida este domingo no municipio pontevedrés de Salvaterra de Miño, logo de saírse da vía cando circulaba pola PO-403, á altura da parroquia de Pesqueiras.

O 112 Galicia tivo constancia do accidente ao recibir a chamada de alerta de varias persoas particulares ás 18.15 horas. Segundo a información facilitada polas testemuñas do suceso, o motorista atopábase liberado e accesible pero estaba inconsciente.

De inmediato, os xestores do 112 pasaron aviso aos profesionais de Urxencias Sanitarias de Galicia-061, aos Bombeiros do Porriño e ao GES-SPEIS Ponteareas.

Desafortunadamente, unha vez no lugar dos feitos, os equipos de emerxencias tan só puideron confirmar o seu falecemento. Para garantir as condicións de seguridade na vía, tamén solicitouse a intervención dos axentes da Garda Civil de Tráfico.