Dous mozos faleceron na tarde deste luns en Cangas nun accidente de tráfico no que se viron involucrados unha moto e un turismo, informaron fontes do 112 Galicia.
As dúas persoas falecidas viaxaban a bordo da moto sinistrada. Trátase de D.P.G., de 27 anos, e A.G.G., de 20, e ambos tiñan relación familiar.
O accidente produciuse cara a as15.00 horas no camiño da Choupana, detrás da cooperativa de San Roque.
Tras recibir o aviso dun particular, o centro de atención ás urxencias de Galicia alertou a Urxencias Sanitarias, que dada a gravidade do accidente sopesou mobilizar un helicóptero medicalizado, aos Bombeiros do Morrazo, Garda Civil de Tráfico, Policía Local e Protección Civil.
