Poucas nubes e leve descenso das temperaturas para o domingo da ponte

Galicia vive este domingo baixo a influencia dun anticiclón, nunha xornada na que se esperan ceos pouco nubrados, salvo no extremo norte. De feito, alí pode haber incluso algunha choiva débil ocasional. 

En canto aos termómetros, as previsións de Meteogalicia anuncian un lixeiro descenso. As mínimas das principais cidades moveranse entre os 7 graos de Lugo e os 12 da Coruña, mentres que as máximas alcanzarán os 21 en Pontevedra e Vigo.