Vídeos

Pechan unha tenda de Tokio despois de facerse viral un vídeo con ratas

A incursión nocturna dun grupo de ratas nunha tenda 24 horas do popular barrio de Shibuya, en Tokio, obrigou ao establecemento a pechar indefinidamente, despois de que un vídeo dos roedores roldando a comida se fixera viral. Na metraxe, de apenas 15 segundos, vense até seis ratas descolgándose ou nos arredores das vitrinas refrixeradas do local, unha franquía da cadea de tendas 24 horas FamilyMart, que leva pechada desde o 5 de agosto por mor da publicación das imaxes, confirmou este mércores a Efe unha portavoz da compañía.