Opinión

Festa sen anfitrión, pouca celebración

QUE A FESTA dunha autonomía se celebre sen presidente e coa ausencia dos antecesores non tería excesiva transcendencia se fose por un problema puntual, pero reflicte unha deriva que parece non ter fin e que está fundindo ao PP nun pozo demoscópico que amosa a realidade política do momento, con Madrid como estandarte da corrupción. Porque os últimos catro presidentes, desde Gallardón a Cifuentes, pasando por Aguirre e González, víronse envoltos en casos que aínda están en trámite de instrución (Lezo, Púnica, Gürtel, etc.) pero que xa levaron a algúns a apartarse da primeira liña política ou incluso á cadea. E non só eles; os imputados populares nesta comunidade superan o medio cento. E Madrid, onde o PP leva gobernando desde 1995, non é un lugar calquera, pois aínda que o resto do país non se asemelle a el por máis que alí o pensen, é a capital, e cando tuse o resto nótao.

Comentarios