Opinión

Ministros que dan aire ao soberanismo

É moi difícil saber falar, pero máis aínda é saber calar, como dicía Guillermo Palau, pero este aserto, igual que o máis antigo de que os pais nos ensinan a falar e o mundo a calar, non o ten presente o ministro de Xustiza, que non consegue (ou non quere) evadir as preguntas cada vez que lle poñen un micró- fono diante, e ese exceso comunicativo estalle pasando factura, pois os implicados no procés ven directrices políticas cando está ocorrendo en tempo e forma canto foi adiantando Rafael Catalá. E se este ministro dá argumentos aos independentistas, o de Facenda ofreceulles un balón de osíxeno ao asegurar que non se pagou con diñeiro público o referendo, co que se desinflaría o delito de malversación que aprecia o xuíz do caso. Verso solto no Goberno, Cristóbal Montoro corrixe a instrución nun chanzo máis do deterioro da imaxe da Xustiza, que se agravou coa xudicialización do procés.

Comentarios