Sementa o pánico nun ximnasio de Málaga e acoitela cinco veces un home

Unha discusión na rúa entre dous homes acabou desatando o pánico no interior dun ximnasio de Málaga e cun dos contendentes no hospital. A pelexa iniciouse fronte ao establecemento e pronto pasou das palabras ás mans. Un deles decidiu entón entrar nun bar para armarse cun gran coitelo e, sen dubidalo, entrou pola forza —e espido de cintura para arriba—  no centro deportivo no que se refuxiou o outro. Aínda que algunhas testemuñas tentaron evitar que accedese ao recinto, rompeu os tornos e acabou apuñalando cinco veces á súa vítima.