O discurso do polaco Jerzy Buzek debeu resultarlle tedioso a José Manuel García - Margallo, que foi cazado polas cámaras en plena sesta durante o pleno do Parlamento europeo. Cos ollos pechados, a cabeza inclinada e apoiada na súa man, a postura do exministro non dá lugar a confusión e o propio eurodeputado do PP tivo que recoñecer o evidente: "Significa que teño a conciencia moi tranquila", escribiu na súa conta de Twitter tras aclarar que non é consciente de dar unha cabezada na Eurocámara. En calquera caso, bota man dos clásicos para defenderse das críticas. "Díxoo Unamuno: 'Durmo moito, pero cando estou esperto, estou máis esperto que vostede'", escribiu.
No soy consciente de haber dado una cabezada en el Parlamento Europeo, pero si la hubiese dado eso significa que tengo la conciencia muy tranquila. Lo dijo Unamuno: "Duermo mucho, pero cuando estoy despierto, estoy más despierto que usted" pic.twitter.com/JRJcsrHLtM
— JM García-Margallo (@MargalloJm) January 15, 2020