O xornalista ruso Evgeniy Evnevich converteuse nun auténtico heroe para internet pola súa reacción tras ser atacado por un aspersor. O home atopábase falando en directo durante a previa do partido que enfrontou a o CSKA Moscova e ao Ajmat Grozny, cando o sistema de rega activouse e un dos seus chorros dirixiuse directamente á súa cara.
Empapado, pero coma se nada ocorrese, Evnevich continuou a súa locución con gran profesionalidade. Iso si, non contaba con que o chorro viría de volta, repasando novamente o rostro do reporteiro.
Aínda así, o mozo seguiu mantendo a compostura. "Non podía moverme porque non vía de onde viña o aspersor, pero entendín que estaba en directo e debía seguir falando", contou Evnevich tras a anécdota, nunha actitude que lle valeu os encomios de miles de persoas.
