Andrés Iniesta volve sorprender ao marcar un golazo na Liga Xaponesa

Andrés Iniesta marcou este mércores o seu segundo gol en catro partidos co Vissel Kobe da liga xaponesa, que supuxo o empate a un en casa fronte ao Hiroshima, líder destacado da competición. Catro días despois da súa estrea goleadora no fútbol nipón, que permitiu o triunfo por 2-1 ante o Xúbilo, o internacional español volveu ser peza fundamental no seu equipo ao lograr igualar un partido que perdían tras o tanto de Patric no minuto 15. Dous minutos despois, o exjugador do Barcelona recibiu de Lukas Podolski o balón na frontal da área e, tras sortear a dous rivais, disparou á escuadra coa súa perna dereita, establecendo o definitivo 1-1. Trátase do segundo tanto do albaceteño no seu cuarto partido co Vissel Kobe, que se mantén en cuarta posición da liga xaponesa, con 33 puntos, a dezaseis do líder.