Vídeos

Un polémico rally no parking da Garda Civil sáldase con dous axentes sancionados

A Dirección Xeral da Garda Civil abriu un expediente disciplinario a dous axentes do corpo por conducir de forma temeraria polo parking da sede central da institución, en Madrid. Así o indicaron fontes do instituto armado, que precisaron que se trata dun garda —que conducía o coche— e dun capitán —o copiloto—, que serán sancionados a próxima semana en virtude do réxime disciplinario do corpo. Nas imaxes, que os propios expedientados gravaron mentres circulaban a gran velocidade, obsérvase a baixada ás diferentes plantas do aparcadoiro subterráneo e escóitase falar aos dous axentes, que lamentan como un coche cortoulles "o rollo" e insinúan a posibilidade de baixar de novo á planta -4 e volver empezar. Entre risas, un di que vai quitar o control de tracción do seu coche para que "patine máis" e un deles advirte de que o coche se empeza a quentar. "Xa empeza a cheirar un pouco o tema", di. Ademais, encomian o "bo parking" construído polo acuartelamento.
Comentarios