martes. 19.11.2019 |
El tiempo
martes. 19.11.2019
El tiempo

Inconvinte en vez de solución

Deixamos xullo e entramos no mes máis vacacional con políticos e partidos como un problema capital, só detrás do paro, e ao nivel de irritación dos anos centrais da crise. É unha contrariedade para un país que quen nos representa sexa un inconvinte en vez da solución. Non mellora a percepción a pesar da diversidade de formacións políticas xurdidas nos últimos anos, que precisamente por iso, pola atomización parlamentaria, provoca situacións que incomodan, como o bloqueo que ocorreu en 2016 con Rajoy e propiciou a repetición de eleccións e o deste ano. O sistema político amosa a súa ineficacia ao non permitir que se forme goberno ao pouco duns comicios, porque hai que recordalo de cando en vez pois os votantes parecen non sabelo: nas urnas non se decide o presidente, senón os deputados, que logo son os encargados de determinar o xefe do Executivo. Algo haberá que remover para que os políticos non sexan estimados como problema.

Inconvinte en vez de solución
Comentarios