Vegalsa-Eroski alíase con Afigal e Sogarpo para impulsar a súa rede de franquías en Galicia

Vegalsa-Eroski formalizou este mércores un acordo de colaboración coas sociedades de garantía recíproca galegas, Afigal e Sogarpo, para a implementación de novos establecementos franquiados en Galicia e a modernización dos xa existentes. A firma do acordo tivo lugar na Plataforma de Mercadorías Xerais da compañía de distribución alimentaria, na localidade coruñesa de Sigüeiro, coa presenza do conselleiro de Economía, Francisco Conde; do director xeral de Sogarpo, José M. Cabaleiro Fernández; do presidente de Afigal, Antonio Couceiro Méndez; e do director xeral de VegalsaEroski, Joaquín González, entre outros. A empresa prevé aumentar de 60 a 90 os seus establecementos franquiados, a través das insignias Eroski City e Aliprox, contribuíndo á creación de 300 empregos indirectos. VÍDEO: PEPE FERRÍN (AGN)