Os mozos toman rúas de todo o planeta polo clima

Miles de mozos de todo o mundo, moitos deles estudantes ademais de activistas ambientais de todas as idades, tomaron este venres as rúas no marco dunha ambiciosa folga global en máis de 150 países para esixir aos gobernos contundencia contra a crise climática. Máis de 5.000 accións de protesta foron convocadas no marco desta xornada 'Global Climate Strike', como pistoletazo de saída dunha axitada semana de mobilizacións e folgas, do 23 ao 27 de setembro, coincidindo co cumio de acción climática convocada pola Onu en Nova York.