Quedan durmidos borrachos encima dun stop en plena nacional

Denunciárono dous ciclistas que gravaron a escena co seu móbil. Ás 8.30 da mañá do domingo atoparon en metade dunha estrada nacional unha furgoneta de traballo parada sobre un stop e invadindo a estrada. Co motor en marcha. A súa sorpresa foi total ao ver que dentro había tres homes, completamente durmidos. Chamaron aos Mossos que lles fixeron a proba de alcoholemia. Todos deron positivo. O condutor deu unha taxa de 0,66 mg por litro en aire expirado, o que constitúe un delito contra a seguridade viaria.