O debate de Atresmedia cos cinco principais candidatos á Presidencia do Goberno que terá lugar o martes 23 de abril, cinco días antes das eleccións xerais, durará dúas horas, non será a golpe de cronómetro e os participantes estarán de pé, con atrís, fronte aos moderadores.
En rolda de prensa, os xornalistas Ana Pastor e Vicente Vallés, moderadores do debate e os codirectores do mesmo, Santiago González, responsable de informativos de Antena 3, e César González Antón, de Noticias de La Sexta, desvelaron que o debate se abrirá cunha pregunta de actualidade a cada candidato, constará de tres bloques e dun equipo de verificación en directo.
Ás 12.30 horas deste venres, Atresmedia realizará un sorteo para decidir a posición de cada un dos cinco participantes –Pedro Sánchez (PSOE), Pablo Casado (PP), Pablo Iglesias (Unidas Podemos), Albert Rivera (Cs) e Santiago Abascal (Vox)–, tanto na primeira intervención como no minuto de ouro co que se pecha o debate e a súa posición nos atrís.
