O primeiro ministro británico, Boris Johnson, de 55 anos, e a súa noiva, Carrie Symonds, de 32, anunciaron este mércores o nacemento do seu primeiro fillo, un "neno san".
Un portavoz da parella precisou que o bebé naceu nun hospital londiniense e que tanto el como a nai, unha activista contra o cambio climático, están "moi ben".
Johnson regresou esta semana ao seu traballo á fronte do Goberno tras recuperarse do coronavirus, polo que ingresou nun hospital o 5 de abril e estivo en coidados intensivos, mentres o Reino Unido segue en confinamento polo virus.