O Diario Oficial de Galicia publico onte as bases reguladoras das axudas para a mellora e afianzamento da calidade do leite producido e recollido nas explotacións galegas. A Consellería do Medio Rural destina para esta liña un total de 3,5 millóns de euros: un millón previsto para 2008 e os dous millóns e medio restantes para o próximo ano. Estas cifras poderían aumentar en función do número de solicitudes que se reciban.
As axudas están dirixidas a produtores acollidos a programas de mellora das condicións hixiénico-sanitarias da súa explotación e teñen como finalidade favorecer o cumprimento dos requisitos sanitarios para a produción de leite cru.
As solicitudes poderán presentarse ata o próximo 29 de agosto, tanto por parte de agrupacións de produtores (cooperativas e asociacións de gandeiros), como de compradores autorizados.
Entre os gastos subvencionables figuran a aplicación de sistemas de revisión e control das instalacións, a realización de análise para o control de mamitis ou a formación de persoal técnico.
A liña de axudas enmárcase no cumprimento do sector lácteo das esixencias incluídas na Política Agraria Común (PAC) en materia de seguridade. Segundo sinalan desde Medio Rural, Galicia é pioneira nos controis e análises realizadas, tanto no momento de recollida do produto como no da súa transformación.
