O FBI chama a reiniciar os routers de todo o mundo por un virus ruso

O FBI lanzou unha alerta a nivel mundial na que recomenda reiniciar todos os routers para evitar que se 'contaxien' cun virus de procedencia rusa que se estendeu xa por medio centenar de países. Trátase do VPNFilter, un programa malicioso ou malware que se apropia destes dispositivos para recompilar toda a información sobre o usuario e propagar a infección, que segundo transcendeu podería alcanzar xa a máis de medio millón destes aparellos en todo o planeta.

Para evitar o ciberataque, ademais de desenchufar e volver acender o router, os federais recomendan tamén cambiar os contrasinais de acceso ao dispositivo e a do wifi.