Falece Luna, a cadela de Amador Arias en 'O que arde' e na vida real
12 de octubre de 2020 (21:46 h.)
O actor fonsagradino lamentou a perda: "Foi un talismán. Casi 15 anos connosco"
Luna, a cadela de Amador Arias na vida real e que tamén participou no filme O que arde, faleceu este domingo, segundo informou o protagonista da cinta dirixida por Oliver Laxe en redes sociais.
"Luna marchou. Só tiña unha. Foi un talismán. Casi 15 anos connosco", escribiu o actor fonsagradino nunha publicación en Facebook na que informou do falecemento da cadela.
Amador Arias destacou a conexión que existía entre eles. "Tíñamos entre miña mai , ela e eu algo fóra do común. Nas terras da miña mai, Rosario Mon Pérez, descansa, tamén Luna. Bicos mil, e mais mil mil".
As mensaxes de pésame sucedéronse nas redes sociais e foron moitos os que lamentaron o pasamento de Luna, que se fixo coñecida pola súa aparición no premiado filme.