Morre Milos Forman, director de 'Amadeus' e 'Alguén voou sobre o niño do cuco'
14 de abril de 2018 (11:53 h.)
O cineasta de orixe checa faleceu en Estados Unidos aos 86 anos
Milos Forman, o director de cine de orixe checa que alcanzou fama en Hollywood con clásicos galardoados co Óscar como Alguén voou sobre o niño do cuco e Amadeus, morreu á idade de 86 anos, segundo informou este sábado a axencia de noticias checa CTK.
A morte do director produciuse o venres en Estados Unidos e produciuse "en paz, rodeado da súa familia e seres queridos", explicou a súa esposa, Martina.
Forman naceu na cidade checa de Caslav o 18 de febreiro de 1932, pero se mudou aos Estados Unidos logo da represión comunista do movemento aperturista da Primavera de Praga en 1968 e na década dos 70 converteuse en cidadán estadounidense.