'Resaca', a gran favorita aos premios de teatro María Casares
Nove espectáculos alcanzan candidaturas finalistas na vixésimo segunda edición do certame
Un total de nove espectáculos alcanzan candidaturas finalistas na edición número vinte e dous dos premios de teatro María Casares, segundo informou a organización. A obra que acapara maior número de nomeamentos é Resaca, de IlMaquinario Teatro, que aspira a 10 galardóns. Martes de Entroido, do CDG, séguea de preto con nove candidaturas.
A Cabeza do Dragón, de Producións Teatrais Excéntricas e Soño dunha noite de Verán, de Voadora, alcanzan outro sete cada unha e Elisa e Marcela, da Panadaría, obtén seis.
O premio ao mellor espectáculo decidirase entre Elisa e Marcela, Resaca e Soño dunha noite de verán, mentres que A galiña azul de Tanxarina, Outono de Pistacatro e Pum, Pum! de Baobab Teatro competirán na categoría infantil.