Os galegos Germade e Arévalo conseguen a clasificación olímpica en K4
25 de agosto de 2019 (23:14 h.)
Xunto a Saúl Craviotto e Marcus Walz leváronse a medalla de prata nos mundiais de nbsp;Szeged&
O K4 español, con Saúl Craviotto, Carlos Arévalo, Marcus Cooper Walz e Rodrigo Germade, conseguiu a medalla de prata nos Mundiais de piragüismo, que se están disputando en Szeged (Hungría), e asegurou a clasificación da embarcación para os Xogos Olímpicos de Tokio 2020.
En ausencia de Cristian Toro, quen renunciou a este campionato por motivos persoais, Saúl Craviotto, Carlos Arévalo, Marcus Cooper Walz e Rodrigo Germade reivindicaron o seu valor como cuarteto e lograron o subcampeonato do mundo.
Acariñaron o ouro, pero nos metros finais cederon no seu pulso cos alemáns Tom Liebscher, Ronald Rauhe, Max Rendschmidt e Max Lemke, por 0.51 segundos.