A campaña do Black Friday xerará en Galicia máis de 7.600 empregos
campaña do Black Friday 2020 xerará en Galicia máis de 7.600 empregos, segundo un informe de Adecco que apunta a un período "atípico" polas restricións derivadas da segunda onda do coronavirus.
Por provincias, Pontevedra liderará a campaña galega con 3.700 contratacións, seguida de preto da Coruña, con 3.000 novos postos de traballo. A máis distancia están o número de contratos que se esperan en Lugo (530 empregos) e Ourense (350).
A nivel estatal, Adecco prevé o mesmo número de contratacións vinculadas a este período con respecto á mesma campaña do ano anterior, o que supón máis de 184.000 contratos en todo o país.
Adecco prevé o mesmo número de contratacións que na campaña de 2019
Por autonomías, Cataluña sitúase á cabeza das previsións, xa que creará 32.800 novos postos de traballo. Tras ela, a Comunidade de Madrid e a Comunidade Valenciana serán as que xeren máis emprego, 32.300 e 22.800 contratos, respectivamente. Galicia ocupa o oitavo posto no total de contratacións por autonomías.
O e-Commerce será o principal beneficiado no Black Friday. Tamén outros sectores vinculados a este, como o gran consumo (que engloba alta perfumería, cosmética, electrónica, telefonía, juguetería, imaxe, son), a alimentación, a distribución, o retail, a loxística, o transporte e a industria téxtil, verán aumentar a contratación.
Preparadores de pedidos, mozos de almacén, repartidores e carretilleros serán algúns dos perfís máis demandados desta campaña.