Feijóo, sobre a crise bancaria: "Non todos os políticos foron culpables"

O presidente da Xunta de Galicia, Alberto Núñez Feijóo, avogou este mércores por aprender "do que se fixo mal" na crise financeira que comezou en España en 2007 e indicou que "non todos os políticos foron responsables", pois "a maioría non eran xestores das entidades financeiras".

Así o manifestou durante a súa intervención na presentación do libro Véndese banco por un euro do avogado Manuel Medina González, un evento ao que asistiron xuíces, fiscais e políticos como o vicesecretario de Comunicación do PP, Pablo Casado.

Feijóo sinalou ademais que é "reconfortante" saber que se pode e débese aprender dos erros da crise económica e engadiu que "o principal é conciliar o inmediato con aquilo que dará efectos a longo prazo", algo que "nunca é fácil".

É importante ter en conta as consecuencias das decisións fronte a unha crise, sinalou, como ao seu xuízo faio un dirixente democrático, "a diferenza dos populismos, que non pensan nas secuelas".

O presidente da Xunta fixo fincapé na dificultade que tiveron os políticos para xestionar a crise bancaria e subliñou que a maioría deles "non estaban a xestionar as caixas". "Non de todos os males teñen culpa os políticos", concluíu.