Abre o prazo para solicitar axudas por suspensión ou redución de actividade pesqueira

O Boletín Oficial do Estado (BOE) publicou a liña de axudas por 30 millóns de euros por suspensión ou redución da actividade pesqueira. O prazo de solicitudes ábrese este xoves, 13 de agosto, e durará 15 días. 

Segundo esta orde de axudas, os profesionais da pesca poderán percibir ata un máximo de 50 euros por día de parada desde o 16 de marzo. 

Poden ser beneficiarios tanto armadores como persoas dedicadas á pesca que traballasen a bordo dun buque pesqueiro español afectado pola paralización vinculada á pandemia. 

Segundo informa a Delegación do Goberno nun comunicado, o obxectivo "é facer chegar de forma urxente liquidez" ao sector, polo que acúrtanse os prazos "ao máximo para asegurar a plena eficacia e efectividade da medida". 

Esta liña de axudas está cofinanciada polo Fondo Europeo Marítimo Pesqueiro (FEMP) e aborda as contías máximas.