Así foi o rescate dun xabaril atrapado nunhas marismas no Grove

Unha femia de xabaril foi rescatada tras quedar atrapado nunha zona de marismas no Grove, concretamente na ensenada de A Lanzada. Sospéitase que o animal puido ser atropelado e despois viuse limitado para saír do lodo.

Un cazador, coa axuda dun lazo, logrou rescatar ao xabaril, baixo a supervisión de Policía Local e os servizos de urxencias, que decidiron soltalo de novo nos montes do Grove tras comprobar o seu estado.