A sesaxenaria estradense desaparecida desde o pasado xoves foi encontrada en Vilagarcía na mañá deste luns aparentemente en bo estado. 

Efectivos da Policía Nacional contactaron coa irmá que puxera a denuncia o venres, despois de que Carmen García Cabanas, de 68 anos, non regresara a casa.

A Garda Civil, que iniciou un dispositivo de procura, xa advertira de que non era a primeira vez que a muller se ía de casa polo seu propio pé.