A Brilat desprega este xoves efectivos en Pontevedra, Cuntis, Catoira e Lugo

O Exército de Terra, a través do seu Mando Compoñente Terrestre, no ámbito da operación Balmis, desprega este xoves unidades da Brilat en misións de presenza e recoñecemento en Lugo, Pontevedra, Cuntis e Catoira.

Ademais, a Brilat terá efectivos en misións de presenza e recoñecemento nas localidades asturianas de Avilés e Langreo, así como nas cidades castelás de Palencia e Cigales.

A estas súmanse misións de desinfección cos equipos de descontaminación NBQ (Nuclear, Bacteriológico, Químico) en cinco residencias galegas: As Dores de Lalín, Virxe de Guadalupe en Mos, Saraiva Senior e Soremay en Pontevedra, así como na Residencia de Atención a persoas dependentes I en Vigo.

A maiores destas, a Brilat desinfectará no exterior da sede correos e de varios supermercados de Avilés.

Para rematar, unidades participarán en misións de apoio co despregamento da estación de triaje no Hospital Universitario Central de Asturias en Oviedo (HUCA) e colaborará coa Garda Civil no control da fronteira de España con Portugal en Pontevedra e Ourense, con patrullas móbiles.