Os ceos nubrados protagonizan este domingo
As temperaturas descenderán lixeiramente e produciranse choivas débiles nas comarcas atlánticas
Ceos moi nubrados, choivas débiles, máis probables nas comarcas atlánticas, e descenso das temperaturas, son algunhas das notas do tempo previsto para este domingo, segundo informa Meteogalicia.
O instituto meteorolóxico prognostica que a comunidade estará baixo a influencia do paso dun centro de baixas presións con ventos frouxos do sur.
As temperaturas descenderán lixeira ou moderadamente para situarse nos seguintes valores:
- Coruña 15° de mínima e 22°máxima
- Ferrol 15°, 21°
- Lugo 11°, 22°
- Ourense 12°, 26°
- Pontevedra 13°, 22°
- Vigo 13°, 21°
- Santiago de Compostela 14°, 19°
Respecto ao mar, prognostica na costa Cantábrica vento de suroeste ou de oeste con forza 3 a 5,con mareja, visibilidade boa e mar de fondo do noroeste, con ondas de 1 a 2,5 metros.
En Ferrol-Bares haberá vento do suroeste con forza 4 a 6, marusía, visibilidade boa a regular e mar de fondo do noroeste, con ondas de 1,5 a 3 metros.
En Ártabro o vento será de suroeste con forza 3 a 5 con marusía, visibilidade regular a boa e mar de fondo do noroeste, con ondas de 1,5 a 2,5 metros.
Na costa da Morte haberá vento de suroeste con forza de 4 a 6 con forte marusía, regular ou boa visibilidade e mar de fondo do noroeste, con ondas de 1,5 a 3 metros.
Nas rías Baixas o vento será variable de sur a suroeste con forza 1 a 2,5 con marusía a mar ovellado, visibilidade regular a boa e mar de fondo do noroeste, con ondas de 1 a 2,5 metros.