A Costa da Morte, cara a declaración de Reserva Mundial de Surf
Superada a primeira fase do proceso de selección ábrese un novo período de traballo que concluirá coa presentación da candidatura final antes de fin de ano
A Costa da Morte, na Coruña, deu un paso máis para ser declarada Reserva Mundial de Surf, ao cumprir os requisitos establecidos pola ONG 'Save the Waves Coalition'.
A candidatura galega superou a primeira fase do proceso selectivo que desenvolve a organización, segundo se manifestou na praia de Razo, en Carballo, un dos espazos de referencia do surf na Costa da Morte. O anuncio foi feito polo vicepresidente da Deputación da Coruña, Xosé Regueira, acompañado polos alcaldes de Carballo e A Laracha, Evencio Ferrero e José Manuel Varela
Regueira considerou que o paso que deu a candidatura da Costa da Morte supón "unha extraordinaria e case inesperada noticia" ao ser "a primeira vez" que se postulou a esa declaración de reserva mundial.
Tras cumprir os requisitos, ábrese un novo período de traballo que concluirá coa presentación da candidatura final antes de fin de ano. A Deputación da Coruña impulsou a creación do grupo promotor do proxecto no que participan representantes de diversos organismos e entidades do sector.