Descobren máis de dez quilos de heroína escondidos baixo terra en Carballo

Unha operación en conxunto da Policía Nacional e da Garda Civil en Carballo descubriu e incautado varios fardos de substancias estupefacientes escondidas baixo terra na leira dunha vivenda situada neste municipio coruñés.

Segundo informaron fontes próximas á investigación, o Equipo de Delincuencia Organizada e Antidroga (EDOA), Unidade de Drogas e Crime Organizado (UDYCO) Central da Policía Nacional de Madrid e os equipos da Garda Civil son os encargados de levar a cabo este operativo no que, de momento, dúas persoas foron detidas.

Os encargados da investigación seguiron a pista destas dúas persoas e acabaron por fixar a súa atención nun inmoble da parroquia de Goiáns, onde foron incautados dez quilos de heroína distribuídos en varios fardos.

O rexistro da vivenda efectuouse na mañá deste mércores. Os axentes atoparon alí grandes sumas de diñeiro en efectivo, decenas de doses de cocaína e heroína, así como armas de fogo. Con todo, os dez quilogramos de droga foron interceptados á beira da vivenda, baixo terra, en varias bolsas de lixo.

A información que se manexa ata agora indica que os detidos poderían formar parte o Clan da Tula, que opera na comarca de Bergantiños.