Destrúen un cruceiro en Madrid símbolo de irmandamento con Galicia
07 de noviembre de 2020 (23:46 h.)
Estaba situado na praza Jacinto Benavente e foi derrubado por un grupo de persoas
A Asociación Madrid Cidadanía e Patrimonio (MCyP) denunciou este sábado a través de redes sociais a destrución do Cruceiro situado na céntrica praza de Jacinto Benavente.
Segundo informou a asociación en defensa do patrimonio histórico, artístico, cultural, social e natural da Comunidade de Madrid, a través da súa conta de Twitter, "onte (o venres) uns individuos -presuntamente baixo efectos do alcol- destruíron o cruceiro de irmandamento con Galicia na praza de Jacinto Benavente".
"O vandalismo, sexa por parte de persoas ou institucións é inadmisible, destrúenos como sociedade", agregou.