Detida unha muller en Lugo por darlle unha cabezada á súa filla de 10 anos en plena rúa

Unha muller de 43 anos foi detida en Lugo por axentes da Policía Local porque, en plena rúa, presuntamente tiroulle dos pelos e propinoulle unha cabezada na fronte á súa filla de 10 anos.  A agresión tivo lugar o pasado martes, ás nove e media da noite, na Praza de Santo Domingo, no centro da capital lucense.

A menor díxolle aos axentes da Policía Local que interviñeron que noutras ocasións a súa nai lle dera unha labazada.

Os axentes identificaron a varios transeúntes que corroboraron as declaracións da nena. Tanto a nai como a menor foron trasladadas ao Hospital Lucus Augusti (Hula) para recibir asistencia médica e despois ás dependencias policiais para tramitar as correspondentes dilixencias para remitir ao xulgado especializado en violencia doméstica.