Detida unha parella en Vigo tras unha brutal pelexa que terminou cunha operación de urxencia
Unha parella foi detida en Vigo este domingo tras agredirse mutuamente no trascurso dunha pelexa que acabou co home operado de urxencia no hospital e coa muller nun centro de saúde.
Os feitos comezaron ao redor das 6.00 horas á saída dunha discoteca, cando ambos estaban ebrios. No medio dunha discusión, o home propinoulle unha labazada á súa parella. A pelexa continuou e agravouse no domicilio de ambos, cando a muller colleu un coitelo e asestoulle varios cortes no brazo e na coxa. Seguidamente o home refuxiouse no cuarto de baño e chamou á Policía Local, que se presentou aos poucos minutos na vivenda.
Unha vez alí, os axentes descubriron que no domicilio había seis nenos que pasaran a noite sos. Tratábase dun fillo de ambos, outra da muller e catro sobriños, que quedaron a cargo dunha avoa.
O home tivo que ser operado de urxencia, mentres que a muller foi atendida nun centro sanitario dos hematomas e arañazos que presentaba. Posteriormente, el foi arrestado por un delito de violencia de xénero e ela, por malos tratos no ámbito familiar.