Detido un veciño de Oímbra por perseguir a tiros á nova parella da súa ex
16 de abril de 2018 (20:30 h.)
Seguiu a vítima ata A Gudiña e alí golpeouno cun obxecto contundente ►Está acusado de intento de homicidio e lesións
Un veciño de Oímbra pasou este luns pola mañá a disposición xudicial tras perseguir escopeta en man á nova parella da súa ex. O detido, de 46 anos, está acusado de intento de homicidio e lesións, xa que disparou en dúas ocasións ao coche do home que supostamente mantén unha relación coa súa muller, da que se está separando.
O agora arrestado seguiu a tiros á vítima ata a súa casa da Gudiña e alí golpeouno cun obxecto contundente, causándolle un politraumatismo. Segundo informa a TVG, a vítima foi trasladada nunha ambulancia e o agresor entregouse á Garda Civil.
O caso está baixo segredo de sumario.