martes. 18.01.2022 |
El tiempo
martes. 18.01.2022
El tiempo

Feijóo: "O feminismo inspirará á Galicia da nova década"

Alberto Núñez Feijóo, xunto a Carmen  Pomar, Alfonso Rueda, Benedicta Sánchez, Ana Peleteiro, Miguel Santalices e Isabel P. Dobarro. LAVANDEIRA JR (Efe)
Alberto Núñez Feijóo, xunto a Carmen Pomar, Alfonso Rueda, Benedicta Sánchez, Ana Peleteiro, Miguel Santalices e Isabel P. Dobarro. LAVANDEIRA JR (Efe)
O presidente da Xunta afirma nun acto institucional que a igualdade é unha loita "de todos"

O presidente da Xunta, Alberto Núñez Feijóo, asegurou este sábado que o feminismo "inspirará á Galicia da nova década" que comeza, pero advertiu que "é unha causa de todos e de todas rexeitar os comportamentos machistas e apostar pola igualdade", algo que tamén "corresponde aos homes". 

"Sería un erro imperdoable excluír á metade da poboación dunha loita na que temos que estar todos", explicou o mandatario, para pechar o acto da Xunta conmemorativo do 8 de marzo, Día Internacional da Muller, que se celebra este domingo.

Durante o evento, que tivo lugar no Museo Centro Gaiás, Feijóo apostou por seguir "traballando unidos" e "en consenso" en materias como a violencia machista, unha "secuela" que "sen dúbida é o que máis conmociona e indigna" á sociedade.

Este acto conmemorativo, conducido pola presentadora de televisión Silvia Jato, contou con testemuños de mulleres galegas como a atleta Ana Peleteiro, a actriz Benedicta Sánchez, a artista Abi Castelo e a música Isabel Pérez Dobarro.

Feijóo: "O feminismo inspirará á Galicia da nova década"
Comentarios