Ferido un menor ao tirarse de cabeza ao mar en Baiona

Un neno resultou ferido na tarde deste venres na praia de Santa Marta en Baiona ao lanzarse á auga, o que obrigou a desprazar ao lugar os servizos sanitarios de urxencias.

Atendendo á información divulgada polo 112, foi un particular quen contactou coa central de urxencias para alertar do sucedido ao redor das 18.00 horas. Explicou que o mozo se tirou de cabeza ao mar e chocou co fondo.

Os xestores do 112 informaron do ocorrido ao persoal de Urxencias Sanitarias de Galicia-061, que se desprazou ao areal para prestar atención médica ao menor.