Sete feridos nunha colisión entre dous coches en Sanxenxo
24 de julio de 2019 (12:41 h.)
Ocorreu pouco antes das 23.00 horas no quilómetro 21 da VG-4.1
Un total de sete persoas resultaron feridas nun accidente de tráfico ocorrido a última hora deste martes no municipio pontevedrés de Sanxenxo. Segundo a información do CIAE 112-Galicia, o sinistro, un choque entre dous vehículos, ocorreu pouco antes das 23.00 horas no quilómetro 21 da VG-4.1.
Até a zona desprazáronse efectivos de Garda Civil de Tráfico, GES de Sanxenxo e Bombeiros de Ribadumia, así como persoal sanitario do 061. En total, foron atendidas sete persoas, tres delas menores, aínda que as súas lesións non revisten gravidade.