O litoral galego quedará en alerta amarela o martes e o mércores
Espéranse refachos de máis de 80 quilómetros por hora
A borrasca Diana, movéndose desde o norte de Azores ata Irlanda, deixará fortes ventos en Galicia nas próximas xornadas do martes e o mércores.
En concreto, Meteogalicia prevé este martes refachos máximos de vento que puntualmente poden superar os 80 quilómetros por hora na Mariña, onde o aviso amarelo estará activado desde as 12.00 horas.
No Noroeste da Coruña, activarase desde as 18.00 horas, con refachos máximos que puntualmente poderían superar tamén os 80 quilómetros por hora.
No litoral de Pontevedra e A Coruña, tamén o martes a partir das 12.00 horas, hai aviso amarelo por mar combinado do oeste con ondas de 4 a 5 metros.
Así mesmo, Aemet, ademais do martes, prolonga a este mércores 28 a alerta amarela a toda a costa galega.