Morre un home de 59 anos atragoado nunha comida familiar en Carnota
13 de abril de 2019 (20:00 h.)
Un home de 59 anos de idade faleceu este sábado atragoado durante unha comida familiar nunha vivenda do municipio coruñés de Carnota.
Segundo informaron a Europa Press fontes do operativo de emerxencia, o suceso tivo lugar sobre as 12.57 horas nunha casa situada na parroquia de Lariño.
Até o punto acudiron efectivos do Grupo de Emerxencias Supramunicipal (GES) de Muros, así como unha ambulancia e un médico da zona, ademais do helicóptero medicalizado do 061 con base en Santiago.
Estas fontes sinalaron que un dos irmáns do home foi o primeiro en tentar reanimalo ao decatarse de que non respiraba ben. Despois diso, tamén foi atendido polo persoal de 061, aínda que faleceu no punto.