Os falecidos en Galicia superan a centena despois de que nas últimas horas falecesen seis persoas que estaban infectadas. Trátase de dúas mulleres, de 70 e 83 anos, e dous homes, de 83 e 69 anos, que estaban ingresados no Hospital Álvaro Cunqueiro; e dous homes de 86 e 53 anos que estaban ingresados, respectivamente, no Hospital Universitario de Ourense e no Hospital Público de Verín. Todos con patoloxías previas.
Así, o balance de falecidos por áreas sanitarias conclúe que na Coruña contan 34 defunciones, en Ferrol, 8, en Santiago, 13, en Lugo, 7, en Ourense, 16, en Pontevedra, 8 e en Vigo, 17
XORNADAS ANTERIORES. A xornada do pasado luns foi na que ata o momento rexistráronse máis mortes en Galicia de persoas infectadas por coronavirus, cun total de 17 falecidos.
O reconto oficial de vítimas mortais en Galicia en relación á pandemia elévase a 97 falecidos, sen ter en conta ao bebé que naceu morto no Hospital Teresa Herrera da Coruña, onde se lle practicou unha cesárea de urxencia á súa nai, de 37 anos, que tampouco puido salvarse. Segundo o Servizo Galego de Saúde, esta muller deu positivo na proba para detectar o covid-19.
Tanto o domingo, como o sábado e o xoves da semana pasada rexistráronse en Galicia dez falecidos nunha soa xornada en relación co covid-19. Ata este luns esa era a maior cifra de mortes computadas nos balances oficiais nun só día na comunidade galega.
