Prado Patiño promete o seu cargo como deputado en substitución do falecido López Crespo
05 de junio de 2018 (12:50 h.)
O popular foi alcalde de Frades durante 25 anos
O exalcalde de Frades, Miguel Prado Patiño, prometeu este martes o seu cargo como deputado autonómico no grupo do PPdeG, ao que accede en substitución do recentemente falecido Carlos López Crespo.
Prado Patiño efectuou a xura ou promesa a requirimento do presidente do Parlamento, Miguel Ángel Santalices, ao comezo da sesión plenaria deste martes.
Este veterano militante do PPdeG xa foi deputado durante a última lexislatura, tras ostentar a alcaldía de Frades durante vinte e cinco anos, desde 1987 ata 2012.