O PSdeG denunciará ante o Obispado de Ourense o "adoutrinamento político" que, segundo asegura, exerce o cura de Padrenda durante as liturxias do termo municipal, nas que supostamente "chegou a pedir o voto" para o Partido Popular. 

Nun comunicado, os socialistas consideran "inadmisible" esta situación e esta actitude en actos relixiosos, polo que avanzaron a presentación dun escrito ante o Obispado para denunciar o caso. 

Segundo sinalan, os veciños de Padrenda non votantes do PP expresaron a súa indignación pola "situación surrealista que se vive en pleno século XXI" no municipio, sobre todo polos "improperios e descualificacións" dirixidas por parte deste párroco contra partidos doutra ideoloxía.