O verán arrinca con bo tempo
21 de junio de 2019 (02:00 h.)
A situación anticiclónica non durará moito xa que as choivas volverán o sábado
Este venres Galicia quedará transitoriamente na influencia das altas presións, polo que se espera unha xornada de bancos de néboa matinais con intervalos de nubes baixas no terzo norte e ceos pouco nubrados ou despexados no resto.
As temperaturas mínimas sufrirán un lixeiro descenso mentres que as máximas ascenderán moderadamente. O vento soprará frouxo de compoñente norte, con intervalos de moderado no litoral.
Temperaturas mínimas e máximas extremas previstas nas cidades:
A Coruña 12°/ 22°; Ferrol 12°/ 23°; Lugo 11°/ 22°; Ourense 11°/ 28°; Pontevedra 10°/ 24°; Santiago 12°/ 23°; Vigo 10°/ 22°.