Viernes. 14.12.2018 |
El tiempo
Viernes. 14.12.2018
El tiempo

Catar anuncia que deixa a Opep

Una plataforma petrolífera en Brasil. AEP
Una plataforma petrolífera en Brasil. AEP

A decisión podería disparar o prezo do cru

O ministro de Enerxía de Catar, Saad al Kaabi, anunciou que o seu país ten previsto retirarse da Organización de Países Exportadores de Petróleo (Opep) en xaneiro de 2019, unha decisión que chega no marco dun plan estratéxico a longo prazo en materia enerxética. 

A decisión do Goberno de Catar, que é un dos máis pequenos produtores da Opep pero un dos maiores exportadores de gas natural do mundo, enmárcase nas medidas que está a adoptar para tratar de potenciar o seu peso a nivel internacional e no marco dunha estratexia enerxética a longo prazo, máis centrada na industria gasística, segundo explicou o ministro. 

"Catar decidiu retirarse da Opep con efectividade desde xaneiro de 2019 e esta decisión foi comunicada esta mañá á Opep", asegurou o ministro de Enerxía qatarí, nunha rolda de prensa, antes de sinalar que o seu Goberno asistirá esta semana á reunión da OPEP en Viena. 

O anuncio da retirada de Catar chega antes de que a Opep se reúna cos seus aliados, incluída Rusia, o xoves e o venres para falar sobre a posibilidade de recortar a subministración de cru. O ministro qatarí dixo que a decisión non foi fácil para Qatar, que estivo na Opep durante 57 anos, pero sinalou que o impacto na produción da organización foi pequeno. 

Al Kaabi afirmou que Qatar continuará cumprindo os seus compromisos como calquera outro país produtor de cru que non forma parte da Opep. A decisión de retirada reflexa a intención de Catar de centrar os seus esforzos no desenvolvemento da súa industria de gas natural, segundo explicou o ministro, nun momento no que as autoridades qataríes queren facer aumentar a súa produción de gas natural licuado de 77 millóns a 110 millóns de toneladas ao ano. 

Al Kaabi dixo que a decisión de retirarse da Opep non ten relación algunha co boicot político e diplomático que manteñen desde xuño de 2017 na súa contra Arabia Saudita, principal potencia da organización petroleira, e outros tres países da rexión. 

Catar anuncia que deixa a Opep
Comentarios