lunes. 10.08.2020 |
El tiempo
lunes. 10.08.2020
El tiempo

Tom Hanks anuncia que el e a súa muller deron positivo en coronavirus

Tom Hanks e a súa muller, Rita. ARQUIVO
Tom Hanks e a súa muller, Rita. ARQUIVO

O actor estadounidense Tom Hanks comunicou a través das redes sociais que el e a súa muller, Rita Wilson, deron positivo no test de coronavirus aos que se someteron tras sentir algúns síntomas. 

Atendendo ao comunicado que divulgaron, están en Australia, onde se lles realizou a proba despois de comezar a sentirse "un pouco cansos", con síntomas similares aos dun arrefriado, e con "dores no corpo". Neste punto, Hanks, de 63 anos, detalla que serán avaliados, observados e illados o tempo necesario.

 

O matrimonio estaba de viaxe en Australia para participar nos labores de produción da próxima cinta biográfica sobre Elvis Presley que dirixirá Baz Luhrmann, na que o actor de Philadelphia, Forrest Gump, Salvar ao Soldado Ryan, Náufrago ou The Post actuará como o representante do ídolo musical.

Hollywood viuse afectado polo coronavirus e, por exemplo, a estrea da última cinta de James Bond aprazouse ata o outono, do mesmo xeito que o festival de música Coachella.

Tom Hanks anuncia que el e a súa muller deron positivo en coronavirus
Comentarios