Chegan as tormentas a Galicia durante a xornada do mércores
31 de agosto de 2021 (20:22 h.)
As temperaturas mínimas experimentarán un ascenso entre lixeiro e moderado, mentres que as máximas non terán cambios significativos
A presenza de aire frío en altura traerá un alto grao de inestabilidade durante a xornada do mércores. Isto fará que teñamos os ceos parcialmente nubrados con chuvascos de carácter tormentoso, máis xeneralizados durante a tarde, ocasionalmente de forte intensidade e acompañados de sarabia e aparato eléctrico.
As temperaturas mínimas experimentarán un ascenso entre lixeiro e moderado, mentres que as máximas non terán cambios significativos.
Os ventos soprarán do nordés no terzo norte, moderados en xeral, fortes nos arredores de Bares e variables-frouxos no resto.