Martes sen cambios: nubes e claros
20 de febrero de 2018 (01:54 h.)
Este martes espérase predominio da influencia anticiclónica sobre Galicia, con circulación de nordés. Con esta situación, o ceo presentará alternancia de nubes e claros, con máis nubes canto máis ao norte, onde mesmo se prevé algún orballo ocasional.
Segundo a información de Meteogalicia, dependente da Consellería de Medio Ambiente, o vento soprará do nordés, frouxo pola mañá e aumentará a moderado pola tarde.
Pola súa banda, as temperaturas non experimentarán cambios significativos. Deste xeito, as máximas ascenderán até os 17 graos en Pontevedra e as mínimas descenderán até o catro graos en Lugo e Ourense.