As nubes irán desaparecendo co avance do día en Galicia
02 de junio de 2021 (21:27 h.)
As temperaturas mínimas descenderán lixeiramente, mentres que as máximas non terán cambios significativos
O xoves Galicia terá unha xornada de transición cara á influencia anticiclónica que se dará nos vindeiros días. Así, comezaremos a xornada con intervalos de nubes baixas que irán desaparecendo co avance do día.
Na provincia de Lugo aínda quedará certa inestabilidade que podería deixar algún chuvasco illado e ocasional.
As temperaturas mínimas descenderán lixeiramente, mentres que as máximas non terán cambios significativos. O vento soprará frouxo de compoñente norte, con intervalos de moderado nas Rías Baixas.